Kryetarja e LSI, Monika Kryemadhi teksa fliste sonte në një emision televiziv tha se problemi më i madh është se ne kemi bërë shtetin në bazë të individit. Dhe politikanët duhet të mendojnë për ndërtimin e sistemit. Këtu nuk hezitoi të shprehë dhe një paranojë për vdekjen kur tha se kur të plakem mund të gjejnë të vdekur në banesë se ska kush të më ofrojë shërbim.
“Ky njeri (Rama) duhet të kuptojë që këtu nuk është çështje e pushtetit të tij por e një sistemi që duhet ndërtuar për të gjithë. Se sot jemi të gjithë të rinj, mund të kemi dhe para dhe pushtet. Unë do dal nga studio juaj, më pret makina, kam shoferin do shkoj në shtëpi. Por kur të jem plakë 80 vjeç, nuk do kem fuqi. Kush do më vizitojë? Do më gjejnë të vdekur në shtëpi se nuk do ketë njëri kush të më shikojë se do mungojë sistemi. Në fund të ditës ky është sistemi që të del për zot ty. Nuk është individi. Dhe një nga problemet që ka pasur politika shqiptare është që ne gjithmonë kemi bërë shtetin në bazë të individit. Shiko SHBA. Çfarëdo që ndodh, Presidenti është President, me sjelljen e tij nga më të ndryshmet, ama shteti është shtet, institucioni është institucion”, tha Kryemadhi në intervistën me Lorenc Vangjelin në TVSH.
/Ri-De
