Marites Fortaliza, kaloi të gjithë fundjavën ,e mbyllur brenda ashensorit të një shtëpie në New York.
Sipas “NBC” zjarrfikësit morën një telefonatë nga një person që kërkonte ndihmë pasi dikush kishte mbetur i bllokuar në ashensorin e shtëpisë së Warren Stephens, milionerit në investimet bankare dhe pronar i Stephens Inc, një bankë investimi me bazë në Little Rock, Arkansas
Zjarrfikësit iu përgjigjën thirrjes së urgjencës të hënën në orën lokale 10:00 dhe hapën ashensorin me forcë. Aty gjetën Marites Fortaliza. Gruaja kishte mbetur mes katit të dytë dhe të tretë të shtëpisë për 3 ditë. 53-vjeçarja ishte e dehidratuar por në gjendje të qëndrueshme dhe jashtë rrezikut për jetën. Ajo u dërgua menjëherë në spital.
Ashtu siç raportoi më vonë, familja Stephens, ishin larguar për fundjavë, dhe Marites, e cila punonte si sanitare prej 18 vitesh, kishte mbetur aty e bllokuar përgjatë gjithë fundjavës. /E.M
