Nominimet e Oskar, një nga eventet më të rëndësishme kinematografike, për 91 vjetorin e Akademisë së Çmimeve janë shpallur nga Teatri Samuel Goldwyn në Beverly Hills, Kaliforni.Kandidatët për 24 kategori u zbuluan nga aktorët Kumail Nanjiani dhe Tracee Ellis.
Filmat ‘Roma’ dhe ‘The Favourite’ udhëheqin këtë vit garën e çmimeve Oskar, me nga 10 nominime secila në disa prej kategorive.
Konkurentët e tjerë përfshijnë ‘A Star Is Born’ dhe ‘Vice’ me tetë nominime secila, pasuar nga Black Panther me 7 nominime.
Të katërt filmat që kryesojnë nominimet, janë në garë në kategoritë më të rëndëshime ‘Best Picture’.
Ajo që vlen të theksohet janë aktorët kryesorë të ‘A Star is Born’; Bradley Cooper është nominuar në kategorinë ‘Aktori udhëheqës’ dhe Lady Gaga në kategorinë ‘Aktorja udhëheqëse’.
Black Panther hyri në histori si libri i parë komik, i bërë film, i nominuar në ‘Best Picture’.
Ceremonia e ndarjes së çmimeve do të zhvillohet më 24 shkurt.
G.Z
