Duket se nuk do të ketë qetësi për ish-ministrin e Brendshëm Saimir Tahiri.
Prokuroria për Krimet e Rënda ka vendosur paraditen e sotme që të zgjasë edhe me 3 muaj hetimet për ish-ministrin.
Edhe këtë herë shkak për shtyrjen e hetimeve janë bërë letërporositë e dërguara në Itali, ku priten përgjigje nga homologët italianë por edhe malazezë.
Sipas prokurorëve të çështjes Tahiri, përgjigjet kanë vonuar ndaj për këtë arsye kanë kërkuar më shumë kohë në dispozicion.
Afati për hetimet mbyllej ditën e nesërme, por tashmë Tahiri dhe prokurorët duhet tëp resin afatin e ri që është muaji prill.
Kjo është e disata herë që hetimet për ish-ministrin shtyhen, ndërkohë që vetë Tahiri nëpërmjet avokatit të tij ka kërkuar mbylljen e hetimeve.
