Kryeministri Edi Rama ka inspektuar nga afër qendrën shëndetësore nr.10 në Tiranë, e cila është pjesë e projektit të ndërtimit të 300 qendrave moderne shëndetësore në vend.
Gjatë inspektimit të qendrës shëndetësore, Rama tha se kushtet që gjejnë pacientët në këtë qendër janë moderne dhe të pajisura me të gjitha mjetet e nevojshme.
Po as këtë herë nuk janë kursyer as batutat e kryeminsitrit, pasi gjatë hyrjes në një nga ambientet Rama pa që dera ishte e vogël për të.
“Paskan bërë derën për Erion Bracen”, ishte kjo batuta e Ramës, e cila është përdorur nga ai edhe gjatë inpektimit të veprave të tjera publike.
“Kjo qendër ka shërbim 24 orësh, për të qenë sa më pranë njerëzve”, tha Manastirliu.
Ndërsa Rama krahas videos shkruan: “Një ndër 80 Qendrat Shëndetësore të rindërtuara me themel, gjatë fazës së parë të Programit Kombëtar të 300 qendrave moderne shëndetësore?Faza e dyë nis këtë vit me 100 qendra të tjera #EgjithëVëmendjaPërNjerëzit“
