E kishit menduar ndonjëherë që mund të ketë një lidhje mes muajit të lindjes dhe sëmundjes nga e cila vuani?
Një studim amerikan ka vërtetuar se në varësi të muajit të lindjes, ne rrezikohemi të prekemi nga sëmundje të ndryshme. Studiuesit kanë shqyrtuar 1.688 sëmundje bashkë me datat e lindjes së 1.7 milionë pacientëve. Këta të fundit janë trajtuar në Spitalin Presbyterian, në Neë York, mes viteve 1985-2013. Duke ju referuar rezultateve të kërkimit, 55 sëmundje rezultuan të lidhura drejtpërdrejtë me muajin e lindjes.
Studimi është i pari i natyrës së tij. Më herët ishte provuar lidhja e sëmundjes së caktuar të një fëmije me muajin e tij të lindjes. Për shembull, nëse lindja ka qenë gjatë dimrit, shpjegohen sëmundjet e rrugëve të frymëmarrjes apo astmës. Sidoqoftë një studim i kësaj shkalle është i pari.
Shkencëtarët amerikanë të Columbia University Medical Center ebesojnë se ka arsye të vlefshme shkencore sipas të cilave muaji i lindjes mund të jetë përcaktues i gjendjes shëndetësore të një personi. Në fund, studimi ka pasqyruar rrezikun e prekjes së sëmundjeve, renditur sipas muajit të lindjes:
Janar – hipertensioni.
Shkurt – sëmundje të zemrës.
Mars – arterioskleroza dhe sëmundje të zemrës.
Prill – dhembje të kraharorit, shqetësime të zemrës.
Muajt maj dhe qershor rezultojnë lindjet e njerëzve më të shëndetshëm.
Korriku: Të gjithë të lindurit në muajin korrik besojmë se e njohin shumë mirë dhimbjen e vazhdueshme të qafës, por ajo që nuk dinë është se rrezikojnë po ashtu të vuajnë nga astma dhe aritmia.
Gushti: Sipas rezultateve të studimit të mësipërm, të gjithë të lindurit në gusht paraqesin predispozitë më të lartë për të patur osteoporozë dhe probleme të gjëndrave tiroide. Gratë e lindura në këtë muaj vuajnë nga reumatizma.
Shtatori – astma.
Tetori – sëmundjet mendore.
Nëntori – infeksionet virale.
Dhjetori – çrregullime të rrugëve të frymëmarrjes.
