I ftuar në studion e ‘Opinion’ Presidenti Meta, ka folur edhe për marrëdhëniet e tij me fëmijët. Ai ka treguar se është i lidhur më tepër me vajzën e vogël.
I pyetur nga gazetari Blendi Fevziu se përse ka zgjedhur që vajza e tij e vogël të marrë rolin e ‘Zonjës së Parë’, Presidenti u shpreh se ajo i merr me përgjegjësi eventet.
Biseda:
Fevziu: A janë të lidhur fëmijët me ju?
Presidenti Meta: Janë, sidomos vajza e vogël është më shumë.
Fevziu: Vajza e vogël është më shumë. Dhe ju zgjodhët ta kishit edhe si Zonjë të Parë. Për cilën arsye?
Presidenti Meta: Nuk është se këtu është diçka e përcaktuar, por mua më pëlqen shumë të shoqërohem me Erën, sepse ajo i merr me shumë përgjegjësi këto ngjarjet apo eventet.
Fevziu: I merr seriozisht?
Presidenti Meta: Është shumë e përgjegjshme.
Fevziu: Dhe ju ndiheni mirë me të?
Presidenti Meta: Po, ndihem shumë mirë. Është shumë patriote në kuptimin më të mirë të fjalës.
Fevziu: Çfarë pasionesh kanë? Djali është i madh…
Presidenti Meta: Po, djali 18 vjeç, vajza e madhe 20 vjeç, kurse vajza e vogël po bën 13 vjeç.
Fevziu: Çfarë të ardhmeje mendojnë se duan të kenë? Çfarë kanë zgjedhur? A iu intereson politika?
Presidenti Meta: Nuk jam i sigurt për këtë gjë dhe asnjëherë nuk do të doja t’i nxisja për diçka për të cilën ata nuk janë të motivuar.
Fevziu: Më keni thënë që nuk do të kishit shumë qejf të merreshin me politikë. Pse?
Presidenti Meta: Nuk mund ta them këtë gjë, por do të ishte një gabim imadh kur prindërit përpiqen t’i nxisin fëmijët në një drejtim të caktuar, pasi edhe politika nuk është diçka që trashëgohet…
