Një 47-vjeçar ka mbetur i plagosur të shtunën në darkë me armë zjarri në Lushnjë.
Ai është Saimir Taullau, i cili ndodhet në spitalin e Lushnjës jashtë rrezikut për jetën.
Taullau u qëllua me armë zjarri brenda lokalit në pronësi të tij tek rrethrrotullimi i Plugut.
Nuk dihen shkaqet e ngjarjes, por policia ka nisur hetimet si dhe ka ngritur postblloqe për kapjen e autorëve.
Policia: Në datën 24.11.2018, në vendin e quajtur “Rotondo e Plygut”, është qëlluar me armë zjarri në drejtim të lokalit të shtetasit S.T, 47 vjeç, banues në Lushnje.
Për pasojë ka mbetur i plagosur lehtë shtetasi S.T i cili ndodhet në spitalin e Lushnjes nën kujdesin e mjekëve jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të ngjarjes, identifikimin dhe kapjen e autorëve.
Në hyrje-daljet e qytetit janë ngritur pika të shumta kontrolli me qëllim kapjen e autorëve të dyshuar.
