Një infermiere që udhëtoi në Bali për ta bërë operacion gjoksin, ka treguar në detaje eksperiencën e saj të tmerrshme. Kara Antonio iu nënshtrua një operacioni në gjoks për herë të parë më 2013. Por pasi e ushqeu me gji vajzën, vendosi të rioperohet.
Nëna 24-vjeçare nga Australia, pagoi 7,000 euro për t’i rregulluar gjinjtë në Bali. Por kur u zgjua nga operacioni, tha se gjoksi i saj ishte “shkatërruar”.
E tmerruar nga rezultati, Kara shkroi në Facebook:
“Nuk e di nga t’ia filloj. Ankthi im filloi më 14 nëntor. Rezervova një kontroll gjiri, kërkova implante më të mëdha dhe dëshiroja që gjinjtë e mi të afroheshin pak më afër njëri-tjetrit.
U zgjova nga operacioni dhe gjinjtë më ishin shkatërruar. Kirurgu plastik kishte lëvizur thithkat e mia dhe kishte vendosur implante më të mëdha duke menduar se implantet më të mëdha do të ngrinin gjinjtë e mi lartë. Fillova të qaj sapo i pash ndryshimet.”
Ajo publikoi rezultatet e tmerrshme të operacionit në profilin e saj në Facebook duke inkurajuar gratë që mos ta bëjnë asnjëherë gabimin e saj, duke iu nënshtruar operacioneve të tilla. Fotot po bëjnë xhiron e rrjetit dhe ndaj mjekut u ngritën një sërë akuzash.
