Sot, në ditën e 17 banorët e Astirit që preken nga shembjet kanë dalë në protestë. Edhe pse është një ditë me shi ata nuk janë ndalur. Protesta zhvillohet në errësirë totale, pasi Bashkia e Tiranës dhe OSHEE kanë stakuar energjinë në shtyllat e ndriçimit në rrugë.
Banorët kanë bllokuar Unazën e Re, e për pasojë me dhjetëra automjete kanë mbetur të bllokuara në trafik. Duhet theksuar se kaosi në këtë zonë vazhdon prej më shumë se dy javësh. Banorët shprehen të vendosur për të mos e ndalur protestën e tyre deri sa të marrin 100 për qind dëmshpërblim për banesat. Në mbështetje të protestuesve ishin deputetë të opozitës, por edhe aktivistë të shoqërisë civile dhe ata që kundërshtojë prishjen e Teatrit Kombëtar.
Protesta e përditshme ka shkaktuar majft probleme dhe për banorët e tjerë të kësaj lagjeje me rreth 70 mijë banorë, pasi qendrojne me orë të tëra të bllokuar në trafik. /Opinion.al
