Shtatzënia është një ndër periudhat më të bukura në jetën e një gruaje, një etapë në të cilën ndryshon jo vetëm trupi i saj, por edhe mënyra e të konceptuarit të jetës. Mirëpo pavarëisht ndryshimeve psikologjike që sjell pritja e ëmbël, të gjitha gratë e shijojnë atë ashtu siç ndihen dhe munden. Hmm, ndoshta jo të gjitha sepse gratë e familjes mbretërore duhet të respektojnë disa rregulla strikte që si gjithmonë i ka vendosur oborri. Ndoshta nuk ju kishte shkuar në mëndje, por princeshat britanike i kanë të ndaluara këto veprime kur janë shtatzënë:
1.Nuk duhet të zbulojnë gjininë e fëmijës:
Ndërkohë që nënat moderne zbulojnë në rrjetet sociale se çfarë do të sjellin në jetë: një djalë apo një vajzë, Kate Middleton e ka patur të ndaluar të flasë për këtë gjë. Sipas rregullave të pallatit mbretëror, prindërit nuk duhet ta tregojnë gjininë e fëmijës deri sa ai/ajo të vijë në jetë. Zyra e shtypit mbretëror është e para që jep lajmin e ardhjes në jetë, rdhe tregon gjininë e foshnjes.
2.E kanë të ndalur t’i japin makinës:
Sipas statistikave, rreziku i një aksidenti me makinë rritet me 42% gjatë tremujorit të dytë të shtatzënisë. Kjo vjen si pasojë e lodhjes së trupit, dhimbjeve të kokës dhe humbjes së ndërgjegjes. Për këtë arsye, për të mbrojtur nënën dhe fëmijën e ardhshëm nga një aksident, Kate Middleton e ka të ndalur t’i japë makinës. Ajo sigurisht që ka një shofer personal.
3.Nuk duhet të hajë në publik:
Ka një teori që thotë se mund të gjendet gjinia e fëmijës nga preferencat që ka nëna sa i përket ushqimit. Nëse ajo konsumon ushqime të ëmbla, ajo do të ketë një vajzë, ndërsa nëse konsumon ushqime të kripura do të bëhet me djalë. Prandaj, Dukesha Kate nuk duhet të hajë në publik, në mënyrë që të shmangë thashethemet për gjininë e fëmijës. Përjashtim nga ky rregull bën, kur të gjithë në tryezë po hanë, atëhërë edhe Kate sigurisht që nuk do të qëndrojë pa ngrënë.
4.Nuk mund të blejë rroba në dyqane:
Kjo gjë është e ndalur sepse njerëzit mund t’i bëjnë foto Kate dhe kështu zbulojnë gjininë e bebit. Nëse ajo blen rroba në ngjyrë të kaltër dihet që është djalë, ndërsa nëse ajo blen rroba rozë, dihet që është vajzë. Blerja e rrobave të bebit është “top sekret”./Living
