Kryeministri Edi Rama ka mirëpritur sot faktin se askush nuk protestoi për taksën në Rrugën e Kombit, ndryshe nga protesta e 31 Marsit ku u dogj trau dhe u arrestuan me dhjetëra qytetarë. Një protestë e shoqërisë civile dështoi të organizohej, po kaq edhe reagimet për taksën janë më të pakta. Kujtojmë se në fillim taksa ishte 10 euro për këdo, ndërsa pas protestës, kukësianët do paguajnë 200 lek, ndërsa gjithë qytetarët e tjerë të Kosovës dhe Shqipërisë 10 euro.
Kreu i qeverisë përmes një statusi në Twitter i falenderoi kukësianët që nuk protestuan kësaj radhe dhe u premtoi atyre aeroportin që është ndërtuar prej kohësh por nuk po vihet në fuknsionim. Po kështu u premtoi edhe një stadium të ri.
“Faleminderit kuksianëve për mirëkuptimin e qytetarinë. Dhe njëherë ndjesë për shqetësimin e krijuar. Do bëjmë çmos që jo vetëm çdo qindarkë për rrugën të kthehet në investim, po dhe që Kukësi të bëhet shpejt me aeroport e të ketë më shumë investime e punësim real plus stadium të ri”, shkroi Rama në Twitter.
Faleminderit kuksianëve për mirëkuptimin e qytetarinë?Dhe njëherë ndjesë për shqetësimin e krijuar?Do bëjmë çmos që jo vetëm çdo qindarkë për rrugën të kthehet në investim,po dhe që Kukësi të bëhet shpejt me aeroport e të ketë më shumë investime e punësim real +stadium të ri?
— Edi Rama (@ediramaal) September 17, 2018
