“Mohoj dhe përgënjeshtroj përmbajtjen e artikullit të publikuar të New York Times, i cili ka qarkulluar në mediat ndërkombëtare. Jam thellësisht e tronditur dhe e prekur, duke lexuar lajme që janë absolutisht të rreme. Nuk kam pasur asnjë marrëdhënie seksuale me Bennett”.
Asia Argento ka thyer heshtjen dhe replikon në një komunikatë të shpërndarë për mediat, ku flet qartësisht për një persekutim. “Nuk kam zgjedhje tjetër veç se të përgënjeshtroj të gjitha falsitetet dhe të mbrohem me çdo mënyrë”.
Babai i del në mbrojtje – Nuk po e përjetoj këtë çështje në mënyrë të qetë. Jam shumë i tronditur, u përpoqa të flas me vajzën time dhe nuk ia arrita, është në një vend ku nuk kap telefoni”. Kështu është shprehur Dario Argento, pas çështjes së ngacmimit seksual, që ka përfshirë vajzën e tij Asia. “Duhet parë nëse akuzat janë të vërteta. Sipas meje nuk janë. Pse Asia vendosi ta bëjë atë marrëveshje? Këtë nuk e di”.
Asia nuk është nën hetim – Nuk do të hapet asnjë hetim, por “do të bëhen hetime të mëtejshme”, mbi ngacmimin e mundshëm seksual, që Asia Argento dyshohet të ketë bërë ndaj aktorit amerikan, Jimmy Bennett. Kjo konfirmohet edhe nga një zëdhënës i departamentit të sherifit të kontesë së Los Anxhelesit. Qëllimi i detektivi, është të flasë në fillim me Bennett, i cili rezulton se nuk është dëgjuar akoma nga policia.
