Apple e vërtetoi me kohë që nuk “kishte nevojë” për Steve Jobs, sepse edhe pas vdekjes së tij e mbajti veten më së miri duke thyer rekorde shitjesh që ata vetë i kishin vënë. Kjo sepse porositë dhe vizionet e tij janë ndjekur më së miri, por gjërat tashmë do të ndryshojnë.
Kur Steve Jobs ishte ende gjallë, në një nga fjalimet e tij publike ai ironikisht pyeti: “E kush do stilolaps për celularin?”
Kjo sepse një iPhone me Stylus ishte i pamenduar dhe qesharak, sipas tij. Por thashethemet e fundit nga bota e teknologjisë thonë se në lançimin e rradhës, iPhone do të vijë me… gjejeni pak… një STYLUS!
Për të qenë më specifik, duket se Apple do të përdorë Stylus-at ekzistentë të iPad-eve për iPhone-at e rinj. Lidhja dhe të bëhet me Bluetooth.
Duke qenë se iPhone që priten të lançohen këtë vjeshtë janë të gjitha Plus Size, do të ishin ideale të përdoren me Stylus.
Ndryshimi mes Samsungut dhe Apple është se Galaxy Note 9 e përdor stylus-in për të lehtësuar veprimet dhe memorien. Apple Stylus është paksa i madh dhe më kompleks, e punon më mirë në sipërfaqe të mëdha, ndaj Apple me siguri do të punojë me ekranin e celularit që të punojë më mirë.
Stylus do të aplikohet vetëm te celularët me ekrane OLED, dhe jo te ato me LED. Celularët e rinj priten të lançohen muajin e ardhshëm./Opinion.al
