Shtëpia është investimi më i madh që 99% e njerëzve apo familjeve bëjnë gjatë jetës së tyre! Sakrifica dhe mundi i një jete duhet patjetër të jetë shpërblyes, por ky proces i kërkimit dhe blerjes së shtëpisë ideale për të gjitha kërkesat duhet të jetë i mbështetur nga një konsulencë profesionale në mënyrë që gjithsecili të bëjë zgjedhjen e duhur, për të paktën 20 vitet e ardhshme të jetës. Mes morisë së kërkesave që një blerës ka pa dyshim vendin e parë e zë çmimi i pronës dhe sa i përgjigjet kjo pasuri sasisë së parave që dikush duhet të shpenzojë.
Konsulentët e Century21 Albania, do na tregojnë sot se si përmes programeve të sofistikuara llogaritet dhe krahasohet çmimi i një prone në zona të ndryshme apo në qytete të ndryshme të shqipërisë dhe rajonit.
Tirana gëzon reputacionin si kryeqyteti me i shtrenjtë mes fqinjeve, përjashto këtu Greqinë ku çmimet janë shumë herë më të larta. Ndërsa krahasuar me kryeqytetet fqinje të Maqedonisë, Kosovës dhe Malit të Zi, mesatarja e çmimi në Tiranë është ndër më të lartat, por edhe ndër më të diversifikuarat.
Po sa janë këto çmime dhe cila është mesatarja e çmimit në Tiranë?
Century21 konfirmon se gjatë harkut kohor (2017/2018), çmimi mesatar i shtëpive në Tiranë rrezulton të jetë 833 € për m2. Kjo bazuar në datat e të dhënave të krahasuara për mbi 1,500 prona të shitura. Zona më e lirë në Tiranë është ajo që në zhargon njihet si “Fresku”, pranë Malit të Dajtit, ku mesatarisht një shtëpi kushton 532 € për m2. Ndërsa zona më e shtrenjtë është pranë “Gardës së Republikës” me një çmim mesatar 1952 € për m2. Shtëpia më e lirë në Tiranë arrin 350€ për m2, ndërsa shtëpia më e shtrenjtë kap vlerën 3,000 Euro, m2.
Në vitet e fundit Tirana si çdo kryeqytet dhe qendër administrative tërheq rreth vetes migrues nga brenda dhe jashtë vendit, kjo është dhe arsyeja kryesor e larmisë së çmimeve që tregu i 1/3 së popullatës ofron.
