Administrata e Trump po përdor teste ADN-je për të bashkuar me prindërit 3000 fëmijët emigrantë të cilët i futën në kafaze, por mund të dështojë në proces që ta bëjë këtë gjë përpara se të mbaroi afati i urdhrit të gjykatës.
Alex Azar, sekretari i shëndetit dhe shërbimeve njerëzore tha se nga fëmijët që janë nën kujdesin e departamentit të tij, rreth 100 prej tyre që u futën në kafaze ishin nën moshën 5 vjeç.
Muajin që shkoi, pas skandalit të ndarjes së fëmijëve nga prindërit dhe fotove virale në internet, gjykatësja federale Dana Sabrow dha urdhër që fëmijët nën 5 vjeç të bashkoheshin me prindërit përpara datës 10 korrik, dhe pjesa tjetër e fëmijëve përpara datës 26 korrik. Gjithashtu të gjithë prindërve duhet t’u mundësohej komunikimi me fëmijët e tyre përpara datës 6 korrik.
Gjatë natës Reuters raportoi se qeveria amerikane ka kërkuar një tjetër udhër gjykate, ku të udhëzohen se si ta bëjnë bashkimin e fëmijëve me prindërit përpara afatit të caktuar. Departamenti i Drejtësisë ndërkohë është shprehur se qeverisë mund t’i duhet kohë shtesë për ta përunduar procesin, për shkak të procedurave dhe hapave që u duhet të ndjekin përpara se prindërit të ritakojnë fëmijët e tyre. Kjo përfshin testin e ADN-së, vërtetim për të precedentë penalë në të shkuarën dhe sigurimin që prindërit të mundësojnë shëndetin mendor dhe fizik të fëmijëve të tyre./Opinion.al
