Ndërsa në Shqipëri nuk ka informacion mbi atë çfarë kanë dakordësuar grupet e punës për marrëveshjen Shqipëri-Greqi, ku thelbi sigurisht është kufiri detar dhe çështja çame, gazetat greke sërish sjellin detaje rreth marrëveshjes.
Kështu, sot gazeta greke “Protothema” shkruan sot se marrëveshja Shqipëri-Greqi është arritur dhe do të firmoset në Korrik nga Rama-Cipras. Gazeta thotë se ka mësuar disa detaje nga kjo marrëveshje që përmban: Heqjen e ligjit të Luftës nga ana e palës greke, heqjen e tarifave konsullore të dokumenteve qeveritare greke, hyrjen në fuqi të njohjes së patentave shqiptare, mbrojtjen e të drejtave të pakicës kombëtare greke, ndarjen e zonave ekskluzive detare, heqjen e termave irredentiste, nacionaliste nga tekstet shkollore shqiptare.
E përditshmja “Protothema” është e shqetësuar se një nga “lëshimet” e mëdha që do bëjë Greqia është se nuk do të përdorë më termin “VorioEpiri”. “Ne japin Epirin e Veriut për Çamërinë që nuk ekziston”, është titulli i këtij shkrimi.
Pra, sipas kësaj gazete palën kanë rënë dakord që në tekstet shqiptare dhe as në zhargon të mos flitet më për Çamërinë, ndërsa grekët gjithashtu duhet të fshijnë termin “Epiri i Veriut”. Po kështu, të dyja shtetet nuk do të ketë më pretendime formale territoriale.
Edhe për çështjen e pronave do të ketë një pakt, por nuk do të ketë bëjë me kërkesat çame për pretendime territoriale.
“Shumë nga këto prona të bllokuara nga ligji i luftës, janë në Janinë, Selanik dhe në disa zona të rajonit të Thesalisë. Sipas një vlerësimi jo zyrtar, vlera e tyre është rreth 15 milionë Euro”, shkruan “Protothema”.
Gazeta greke sjell gjithashtu në vëmendje se këto pika janë dakordësuar gjatë takimeve të përbashkëta mes ministrave të Jashtëm Ditmir Bushati dhe Nikos Kotzias; në Nëntor 2017 në Kretë, në Janar 2018 në Korçë, në Mars 2018 në Tiranë, në Maj 2018 në Sounion dhe takimi më i fundit në ishullin Rodhos të premten e kaluar.
