Ka nga ata që mendojnë se duhet gënjyer për të shmangur zgënjimin e tjetrit. Të tjerë mendojnë se duhet thënë e vërteta, cilado qoftë ajo
Ja menidmet pro dhe kundër mbi gënjeshtrën të sjella nga tgcom.it:
Të ngrejë dorën kush nuk ka gënjyer kurrë, duke u fshehur pas bindjes se e ka bërë një gjë të tillë për mirë.
Në fakt, këto mungesa të vogla sinqeriteti mund të jenë të dobishme: gënjehet për të mirën e shoqërisë, për mirësjellje por edhe për t’i kursyer zhgënjimin dikujt.
Është gabim?
Çështja është kontroverse: nëse është e vërtetë se gënjeshtra ‘i ka këmbët e shkurtra’ dhe e vërteta, herët a vonë del në sesh, është e vërtetë edhe që ka situata dhe momente, në të cilat e vërteta nuk mund të thuhet, kjo edhe në interes të njerëzve që po gënjejmë.
Kjo vlen edhe në dashuri:
Kush deklaron se nuk gënjen kurrë – Këta janë njerëzit e parë tek të cilët nuk duhet të besoni, ka shumë mundësi që të jenë pikërisht këta persona, gënjeshtarë gjakftohtë.
Është e pamundur të mos gënjesh , të paktën ndonjë ‘gënjeshtër të bardhë’, qoftë edhe për mirësjellje.
Ekzistojnë shumë tipologji gënjeshtrash, me fund të lumtur: nga ato për kortezi, të tipit: Fustani të shkon shumë!
Tek ato që forcojnë vetvlerësimin (Darka që kishe gatuar ishte e shkëlqyer)
Apo, akoma më tej, gënjeshtra që thuhen për të të zbutur dhimbjen: Pashë të dashurin tënd me një tjetërm por ajo ishte shumë e shëmtuar!
Me pak fjalë, të jesh 100% i sinqertë është thuajse e pamundur. E në disa raste, nuk është e këshillueshme.
Gënjeshtarët serialë – Ka njerëz që gënjejnë gjithnjë dhe për çdo gjë. E kotë të themi që një sjellje e tillë çon në fundin e një lidhjeje, kjo dihet!
Raporti në çift bazohet në besimin reciprok dhe gënjeshtrat e shpeshta apo si zgjidhje për të dalë nga problemet, janë helmuese për jetën në çift.
Gënjeshtra mund të jetë strategjike vetën nëse përdoret me kursim dhe në mënyrë sporadike. Rasti i kundërt, mund të transformohet në një rreth vicioz, nga i cili nuk do mund të dalësh dot.
E vërteta me çdo kusht – Në çdo rast, e vërteta nuk duhet thënë në mënyrë brutale, pasi kështu shndërrohet në një xhest agresiv dhe mund të bëjë më shumë dëme se një gënjeshtër e moderuar.
Nëse thuhet brutalisht, nuk është më një xhest ndershmërie, por një armë sulmi dhe madje dhe hakmarrjeje.
Rasti tipik është ai kur i thua ishit tënd se e dashura e tradhëton.
Nëse jemi në dijeni të një sekreti që mund të lëndojë tjetrin, duhet të shqyrtojmë rastin dhe në funksion të personit për të cilin është ky sekret.
Nëse jemi edhe vetë të përfshirë në sekret, duhet të themi të vërtetën por duke zgjedhur me kujdes mënyrën dhe kohën e duhur për ta thënë.
Të vërtetat e pathëna – E vërteta është gjithnjë e preferueshme, por ka raste ku është më mirë të heshtësh dhe të mos ‘përzihesh’.
Ka gënjeshtra të vogla që bëhen pjesë e harmonisë në çift: të dy palët janë të ndërgjegjshëm se janë pjesë e një hileje të vockël, por pranojnë t’i qëndrojnë kësaj për të ruajtur harmoninë në çift.
Me pak fjalë, ndonjë gënjeshtër e vogël ndonjë herë të leverdis, mund të bëhet mburojë për qetësinë e të dy palëve.
A mund ta dallosh kur partneri/ja gënjen? – Gënjeshtra është një fenomen që ndodh si tek meshkujt edhe tek femrat.
Zakonisht femrat janë më të afta për të kuptuar nëse partneri po i gënjen, kjo edhe për faktin se meshkujt nuk janë shumë të aftë në shtirje.
Ja disa nga shenjat që tregon se ai/ajo po ju gënjen:
Drithërima ose skuqje e fytyrës kur i bën ndonjë pyetje; pauza të gjata në përgjigje; replikë shumë e shpejtë dhe e detajuar.
Nëse ai/ajo tenton të largohet, apo merr pozicione ‘mbylljeje’ si p.sh kryqëzon krahët, apo nëse vë ndonjë objekt midis vetes dhe juve, apo nëse, gjatë kohës që flet bën xheste që nuk i bën zakonisht si psh: Ngre shpatullat, vetullat, lag buzët shpesh me gjuhë.
Nëse jeni të bindur se ‘sytë janë pasqyra e shpirtit, vështrjini me kujdes: nëse përpiqet t’i ikë vështrimit tuaj apo rreh shpesh qepallat e syve, nuk është shenjë e mirë, por as rasti kur rri me minuta të tëra duke ju parë, apo nëse ul vështrimin.
Në të tilla raste, mbase është momenti për të dyshuar.
