Sulmuesi i kombëtares italiane Mario Balotelli është përfshirë sërish në debat mbi racizmin dhe shtetësinë italiane për fëmijët e lindur në Itali nga prindër me shtetësi të huaj.
“Është shumë keq të marrësh shtetësinë vetëm 18 vjeç”, tha ai duke apeluar Ministrin e Brendshëm Salvini që të ndryshojë ligjin për shtetësinë.
“Gjatë jetës sime kam parë shumë racistë dhe shumë injorancë. Nuk është e lehtë, por mund të ndryshohet “.
“Kur isha i vogël”- vijoi Balotelli, shikohesha në një mënyrë ndryshe, ishte shumë e vështirë. Kishte gjëra që unë ende nuk e kuptoj. Avash, avash kjo mund të ndryshojë, por nuk është e lehtë”.
I lindur në Itali nga prindër ganezë, Mario Balotelli, u adoptua më pas nga një familje në Brescia, por nuk ishte në gjendje për të marrë shtetësinë italiane deri në moshën madhore.
Në këtë aspekt , futbollisti është kundër Ministrit të ri të Punëve të Brendshme Salvini.
“Është diçka e keqe të thuash se ai është një qytetar italian vetëm në moshën 18 vjeç.Ishte vërtet e vështirë për mua të mos njihesha si shtetas italian dhe pse kisha lindur dhe rritur në Itali. Nuk kam qenë kurrë në Afrikë për fat të keq, unë nuk jam politikan, por mendoj se ligji duhet të ndryshohet dhe apeloj për këtë”.
Në replikë me të, Salvini reagoi përmes një postimi në fb, duke shkruar: “I dashur Mario, nuk janë prioriteti im “IUS SOLI”, as italianë. Punë të mbarë dhe argëtohu pas topit”.
Pas skadimit të kontratës me Nisën e Francës Balotelli është pa ekip:
“E ardhmja ime është Salvini – tha me humor sulmuesi .
” Nuk e di ku do të shkoj të luaj, qoftë në Itali apo jashtë vendit. Torino është një qytet i bukur”.
Marseille? “Nuk e di si mund të prasnin fansat e Nisës” tha ai./OraNews/
