Kryeministri Edi Rama shkon në takime me qytetarët për të dhënë llogari, dhe sot në Kuçovë është gjendur përpara një të moshuari që e ka vënë jo pak në siklet. Rama ka dalë nga situata me një batutë (ironi) për deputeten e tij të zellshme Elisa Spiropali. Më poshtë i plotë debati, ku qytetari i ankohet Ramës se nuk e ka mbajtur premtimin për të larguar nga administrata zyrtarët e paaftë dhe të korruptuar, ndërsa Rama i përgjigjet me batutë për Skenderbeun e Spiropalit.
Debati:
Banori: Nuk paske ndryshuar para 4 vjetësh kur u takuam, ma dëgjo fjalën dhe pyetja është brenda. Kuptoje vet se je shumë i zgjuar. Prandaj të thashë atje jashtë më fut brenda se do flas. Sepse Shqipëria që duam, është Shqipëria që do ti dhe gjithë shqiptarët.
Rama: Lëre propagandën. Pyetjen.
Banori: U bënë 4 vjet që më ke thënë që unë ata që do të dalin nga dritarja, sot nuk dalin as nga dera në zyrën e administratës tënde z. kryeministër. Janë shëndoshur shumë dhe nuk na i zgjidhin problemet e pronës. Kam një vendim gjykate. Tani jam pensionist dhe nuk na bëhet certifikata e pronësisë sepse ka humbur një dokument të Zyrës së Regjistrimit. Ç’faj kam unë kur ti ma ke humbur? Dolëm të pafajshëm sepse kishim dokumentet zyrtare. Edhe sot nuk na e japin certifikatën e pronës. Të lutem ndërhyj. Të uroj shëndet. Lirinë, Skënderbeu tha…
Rama: Lëre tani se për Skënderbeun kemi Elisën, lëre. Tek posta më e afërt ke kompjutera. Çështja jote është marrë shënim ndërkohë dhe do ta trajtojmë. Çdokush që ka nga këto probleme për të marrë regjistrime nga zyra e Hipotekës ku hoqëm drejtorin e tretë nga zyra e Hipotekës së Beratit, na ra goja mos vini burra drejtorë, por vini gra, tani kemi vënë një grua dhe shpresoj të jetë në lartësinë e detyrës. Tek Shqipëriaqëduam.al shtroje problemin dhe t’i japin zgjidhje për 10 ditë.
Fjalimi i famshëm i Elisa Spiropalit: Edi Rama është Skenderbeu!
