Sherri për pronat përgjak familjen, vëllai plagos me thikë vëllanë e nipin

Një sherr në familje për pak sa nuk u kthye në tragjedi në Bulqizë. Vëllai ka plagosur vëllanë dhe nipin me thikë. Ngjarja ka ndodhur në fshatin Ostern të Madh të Bulqizës. Policia njoftoi se 43-vjeçari Hiqmet Tola është përleshur me vëllanë e tij, shtetasin me inicialet F.T., 52 vjeç dhe djalin 25-vjeçar të këtij të fundit.Në konflikt e sipër, Hiqmeti ka marrë një mjet prerës dhe ka goditur ndaj të vëllait dhe nipit të tij. Ndërhyrja në kohë e policia ka shmangur tragjedinë. 43-vjeçari është arrestuar, ndërkohë që të plagosur, por jashtë rrezikut për jetën kanë mbetur atë e bir që po mjekohen në Spitalin e Peshkopisë. Policia dyshon se konflikti ka ndodhur për motive pronësie, gjithsesi po merren në pyetje familjarët e tjerë për të zbardhur të plotë ngjarjen e rëndë. /Opinion.al