Tema nga kronika e zezë dhe politika kanë qenë prezente këtë javë në emisionin ‘Opinion’. Dita e hënë duket se ka dominuar audiencën, e në atë mbrëmje flitej për zhvillimet brenda PDsë.
Tema më pak e ndjekur ka qenë ajo e të mërkurës ku u fol për drogën kolumbiane të kapur në Shqipëri.
Më poshtë janë temat dhe audienca e plotë e ‘Opinion’ gjatë kësaj jave:
Mbrëmjen e të hënës në emisionin ‘Opinion’ u fol për Kongresin e PD, mbajtur pak ditë më parë: “Për çfarë po debatohet në PD”, u titullua emisioni. Sa i përket audiencës maksimale ishte 48.7% ne orën 22:56 dhe audienca mesatare 38.2%.
Të martën në mbrëmje në ‘Opinion’ u transmetua një emision Dossier për vdekjen e Hitlerit. Audienca maksimale arrti në 33.3% dhe audienca mesatare ishte 25.4%
Mbrëmjen e të mërkurës në ‘Opinion’ u fol për një temë nga kronika e zezë: “Shqiptarët drogë me avion nga Kolumbia!”. Në pjesën e dytë u transmetua skadali në Shtëpin e Fëmijës në Vlorë, ku punonjeset ushtronin dhunë psikologjike dhe fizike ndaj jetimeve. Audienca maksimale ishte 30% dhe audienca mesatare 22%.
Mbrëmjen e të enjtes në emisionin ‘Opinion’ u fol për dorëzimin e mandatit të deputetit Saimir Tahiri. Ish ministri i Brendshëm është nën hetim nga Prokuroria e Krimeve të Rënda për trafik droge, e cila disa muaj më parë ka kërkuar heqjen e imunitetit dhe arrestimin e Tahirit. Por pas dorëzimit të mandatit, në ‘Opinion’ u ngrit një pyetje thelbësorë: “A do të burgoset Saimir Tahiri?”
Atë mbrëmje lidhur me këtë çështje kanë dhënë intervista ekskluzive, kryeministri Edi Rama, ish kryeministri Berisha dhe kryetarja e LSI Monika kryemadhi. Audienca maksimale ishte 34.4% dhe ajo mesatare ishte 24.4%.
Kështu ndryshe nga ç’ndodh zakonisht, politika ka dominuar këtë herë ndaj kronikës së zezë, sa i përket vëmendjes së publikut në ‘Opinion’./Gerta Zaimaj- opinion.al
