Ish-kolegu i Tahirit, Ylli Manjani deklaron se veprimi i tij sot ishte dinjitoz. E ka fjalën për heqjen dorë nga mandati i deputetit.
“Nuk më intereson fare ka apo jo konspiracion politik! Qendrimi i sotëm i Sajmirit ishte dinjitoz! Pikë! Meriton respekt, qoftë dhe për kaq”, shkruan Manjani në facebook.
Duhet të kujtojmë se Saimir Tahiri përplasjet më të mëdha i ka pasur me partinë Manjanit (LSI) sa ishte minister i Brendshëm. Atëherë, dhe sot Tahiri nuk i kursen akuzat ndaj Ilir Metës dhe Monika Kryemadhit. Po kaq, Ylli Manjani vetë e ka sulmuar Tahirin, në kohën kur njëri ishte ministër i Drejtësisë dhe tjetri i Brendshëm. “Duhet të futet ushtria të luftojë kanabisin se situata ka dalë nga kontrolli”, do të shprehej Manjani në tetor 2016, kohë kur qeveria “Rama 1” ku ai bënte pjesë e mohonte pafundësisht se situata me kanabisin ka dalë jashtë kontrollit, siç më pas u vertetua. /Opinion.al
