Një 20 vjeçar të enjten i ka dhënë fund të jetës në Fier, duke u vetëvarur.
Familjarët kanë gjetur djalin e tyre në gjendje të rëndë dhe e kanë dërguar në spital, por i riu ka ndërruar jetë gjatë rrugës, duke mos mundur të mbijetojë.
“Më datë 29.03.2018, ora 17:27 në fshatin Bishan në Fier është gjetur nga familjarët në banesë në gjendje të rëndë shëndetësore shtetasi Sh.V, 20 vjeç. Gjatë rrugës për në spital shtetasi Sh.V ka ndërruar jetë. Nga këqyrja paraprake dyshohet se shtetasi Sh.V është vetëvarur”, thuhet në njoftimin e policisë.
Një ngjarje tjetër e rëndë është shënuar në lagjen “8 shkurti” të qytetit të Fierit, ku 17-vjeçarja me inicialet L.B është vetëplagosur me armë gjahu në banesën e saj.
“Në datën 29.03.2018, rreth orës 16:30, në lagjen “8 Shkurti” Fier, është vetëplagosur me armë gjahu shtetasja L.B, 17 vjeçe. Amra e gjahut është me leje në emër të babait të shtetases së plagosur. Shtetasja L.B ndodhet në sallën e operacionit në Spitalin Rajonal Fier”, thuhet në njoftim.
Sikurse vihet re, ngjarjet, kanë ndodhur me një orë diferencë nga njëra-tjetra.
Policia lokale dyshon se ngjarjet kanë lidhje njëra me tjetrën, por hetimet janë ende në vazhdim.
