Kreu i Partisë Demokratike, Lulzim Basha, të enjten, është shprehur në lidhje me lajmin e publikuar në revistën amerikane “Mother Jones” për pagesën e një kompanie lobimi me ndikim rus. Basha deklaroi se nuk ka asnjë kontakt të drejtpërdrejtë ose indirekt me asnjë person apo kompani ruse.
“Jam një mijë përqind i sigurtë. Edhe shqiptarët e dëgjuan. Kjo është teza që Edi Rama ka lançuar në mars 2017”,- tha Basha.
Basha për krimin: Rama thotë se në Shqipëri ka krim, drogë, korrupsion, varfëri; por unë jam mburoja ndaj Rusisë. Ka qenë deklarata e tij. Tani çfarë ka ndodhur?! Kapet me kokainë, kapet me ministrin e Brendshëm , thotë se unë mund të bëj krim por Lulzim Basha nuk është europian. Thotë që Tahiri im është marrë me trafikun e drogës, por është europian dhe Basha që denoncon trafikun e drogës është pro rus. Është tërësisht teza e Edi Ramës dhe kjo vërteton që gazeta e majtë ka marrë tërësisht tezën e Ramës, e cila financohet nga miku i tij Xhorxh Soros që dihet publikisht që është miku i tij.
Basha deklaroi se revista i përdor këto artikuj edhe për interesat e veta, pasi ka si mision të godasë Trumpin dhe të krijojë idenë se në Shtëpinë e Bardhë, kanë hapësirë rusët.
Ai tha se në gjithë këtë histori, janë martuar dy interesa: Interesi i Edi Ramës për të hequr vëmëndjen nga kokaina dhe droga me interesin e një gazete të ekstremit të majtë, për t’i rënë Trumpit.
Sipas tij, nga Soros kjo gazetë ka marrë 1.1 milionë dollarë.
Basha: Çështja e lobimit të PD është hapur në 14 nëntor kur lobuesi ynë amerikan bëri deklarimin në Thesarin e SHBA. Ne u kemi paguar lobuesve në SHBA vetëm 125 mijë dollarë. Pagesat janë bërë dy herë nga 50 mijë dhe një herë 25 mijë dollarë” – tha Basha në emisionin ‘Opinion’.
“Mother Jones” është një gazetë ekstremiste e majtë e cila ka pasur në qendër të vëmendjes Romny dhe Traump në të kaluarën e cila financohet me miliona dollarë nga Soros. PD i ka deklaruar publikisht të gjitha fondet. Janë paguar vetëm 125 mijë dollarë. Këto janë në faqen e KQZ-së për dy kompani në një periudhë 3 apo 4 mujore.
“Mother Jones” thotë që ka marrë 650 mijë dollarë? Ne kemi paguar vetëm 125 mijë dollarë, nuk kemi bërë asnjë pagesë 500 mijë dollarëshe. PD ka deklaruar ato që ka shpenzuar dhe ka shpenzuar ato që ka deklaruar. Shkrimi është i mbushur me insinuata.
Fevziu: Sa Para keni shpenzuar ju në SHBA për lobim?
Basha: Partia demokratike ka shpenzuar 125 mijë dollarë për dy kompani lobimi për një periudhë katër mujore.
Video:
