Shenjën tuaj per horoskopin kinez mund ta gjeni në bazë te vitit të lindjes si më poshtë
Miu: 1900, 1912, 1924, 1936, 1948, 1960, 1972, 1984, 1996, 2008
Bualli: 1901, 1913, 1925, 1937, 1949, 1961, 1973, 1985, 1997, 2009
Tigri:1902,1914, 1926, 1938, 1950, 1962, 1974, 1986, 1998, 2010
Lepuri; 1903, 1915, 1927, 1939, 1951, 1963, 1975, 1987, 1999, 2011
Dragoi: 1904, 1916, 1928, 1940, 1952, 1964, 1976, 1988, 2000, 2012
Gjarpri: 1905, 1917, 1929, 1941, 1953, 1965, 1977, 1989, 2001, 2013
Kali: 1906, 1918, 1930, 1942, 1954, 1966, 1978, 1990, 2002, 2014
Dhia: 1907, 1919, 1931, 1943, 1955, 1967, 1979, 1991, 2003, 2015
Majmuni: 1908, 1920, 1932, 1944, 1956, 1968, 1980, 1992, 2004, 2016
Gjeli: 1909, 1921, 1933, 1945, 1957, 1969, 1981, 1993, 2005, 2017
Qeni: 1910, 1922, 1934, 1946, 1958, 1970, 1982, 1994, 2006, 2018
Derri: 1911, 1923, 1935, 1947, 1959, 1971, 1983, 1995, 2007, 2019
Miu
Gjate këtij muaji do kaloni momente intensive ju te dashuruarit dhe do ndiheni përherë mire me partnerin. Te dy se bashku do bëni te pamundurën për te zgjidhur edhe disa mosmarrëveshje te vjetra. Beqaret do jene ambicioze dhe nuk do e kenë shume te lehte ta gjejnë personin me te përshtatshëm. Shëndeti do jete shume delikat dhe problemet do jene te vazhdueshme. Mund te vuani nga kapsllëku, alergjitë dhe virozat. Buxhetin duhet ta menaxhoni me shume përkujdes dhe nuk duhet kurrsesi te hidhni hapa te pamenduara me kujdes. Ne pune mund te keni disa debate me shefat te cilat mund te sjellin pasoja. Uleni hundën pa qene vone.
Bualli
Do jeni shume me aktive këtë muaj dhe do keni me tepër besim ne vetvete. Bashkëpunimi me partnerin do jete edhe me i forte dhe pasioni do ndizet flake here pas here. Beqaret do jene kreative dhe gati për te bere çdo lloj sakrifice për te ndryshuar statusin e tyre. Sektori i shëndetit do ketë shqetësime te vogla qe do vijnë si pasoje e ushqimit te thate ose e lodhjes. Kujdes! Financat organizojini me kujdes ne mënyrë qe asnjëherë te mos keni surpriza te këqija. Ne pune do jeni me shume fat dhe do iu jepen plot mundësi për ta treguar veten. Arritjet do jene te njëpasnjëshme dhe do ua mbushin përherë zemrën me gëzim. Edhe vetëbesimi do rritet.
Tigri
Gjate këtij muaji do kaloni periudhe vërtet te zymta ju te dashuruarit. Do jeni te bindur për disa gjera qe ne fakt janë te gabuara dhe do konfliktoheni ashpër me partnerin. Nëse nuk ndryshoni sjellje gjerat do marrin tatëpjetën përgjithmonë. Beqaret duhet te veprojnë me maturi për ta bere për vete dike. Nëse sillen çuditshme apo nëse thonë gjera te pamenduara mund t’i largojnë edhe me shume nga vetja personat qe pëlqejnë. Shëndeti nuk do jete i keq, por mund te kaloni edhe situata te sikletshme. Financat nuk do jene te shkëlqyera, megjithatë shume here me te mira se një muaj me pare. Ne pune tregohuni me bashkëpunues dhe me te hapur sepse vetëm ashtu do arrini rezultatet e menduara.
Lepuri
Ky do jete muaji ideal për te zgjidhur disa çështje delikate qe prej kohesh e kane trazuar jetën tuaj ne çift. Do flisni hapur dhe do bëni me te mirën për te dyja palët. Beqaret do afrohen me disa persona me te cilët kane interesa te përbashkëta. Për ta do fillojnë lidhje vërtet te forta dhe afatgjata. Shëndeti për fat te mire nuk do ketë probleme serioze përveç ndonjë dhimbjeje koke qe do kaloje shpejt. Sektori i financave do ketë serish disa tronditje te vogla, megjithatë nuk duhet te alarmoheni dhe ta lëshoni veten. Ne pune do jeni goxha te ngarkuar, por ama nuk do ju mungoje as energjia dhe gjallëria për te arritur majat. Mund te merrni edhe shpërblime.
Dragoi
Nëse jeni ne një lidhje mos ngurroni te bëni here pas here surpriza sepse vetëm ashtu do e mbani partnerin pranë dhe do përjetoni emocione te veçanta. Beqaret nuk do jene me fat ne dashuri, por fale miqve nuk do kalojnë dite te këqija. Gjendja shëndetësore here pas here do jete tejet delikate. Mundohuni te konsumoni fruta, perime dhe te mos e teproni me pijet eksituese. Financat do jene te qëndrueshme, kështu qe mund t’i kryeni pa frike shpenzimet e domosdoshme. Ne pune do ju dalin disa vështirësi te reja dhe mund te ndiheni me te vërtetë keq. Mos e lëshoni veten asnjëherë sepse fale edhe këshillave te miqve te vjetër do mund t’ia dilni mbanë ne fund. Me durim te gjitha vështirësitë kalohen.
Gjarpri
Çiftet qe kane shume kohe bashke do e forcojnë bashkëpunimin dhe besimin tek njeri-tjetri. Gjithçka për ta do përmirësohet dhe emocionet do jene me te forta se me pare. Beqaret ende nuk do jene gati për hapa te mëdha, megjithatë njohje do kenë plot. Gjendja shëndetësore do filloje te përmirësohet pas javës se pare. Do ndiheni me te forme dhe me te qete nga me pare. Gjendja financiare do jete shume me e mire gjate këtij muaji kështu qe do ndiheni me te qete kur te shpenzoni. Gjithsesi asnjëherë nuk duhet tepruar. Ne pune do luftoni fort për te zgjidhur çdo problem, për te kaluar çdo pengese dhe te t’u ngjitur ne maje.
Kali
Ky do jete një muaj i mbushur me lumturi për gjithë te dashuruarit. Do i shmangni gjate gjithë kohës debatet dhe do mendoni vetëm me te mirën për te dyja palët. Nuk do mungojnë as surprizat gjigande. Beqaret do kërkojnë gjera te pamundura dhe yjet nuk do ua realizojnë dot dëshirat. Për shëndetin nuk do keni me asnjë lloj problemi. Gjithë përkujdes i treguar se fundmi do shpërblehet dhe do ndiheni me ne forme. Gjendja e financave do jete shume here me e mire nga me pare dhe do kënaqeni kur te arrini te shpenzoni aq sa do dëshironi. Ne pune duhet te ndryshoni strategjitë nëse doni te keni me shume arritje.
Dhia
Te dashuruarit do kenë një muaj te paqëndrueshëm. jave pare mund te jete e bukur dhe e mbushur me emocione pozitive, ndërkohë qe pas datës 10 do fillojnë debatet e forta. Kujdes me xhelozinë dhe me mungesën e respektit. Beqaret do kenë mundësi për njohje, por jo për lidhje serioze. Shëndeti do ketë goxha shqetësime, por jo gjera alarmante dhe te rrezikshme. Me sektorin e financave do merreni akoma me shume dhe do i zgjidhni disa nga problemet e mëdha qe keni pasur. Pas datës 20 do ndiheni me te qete kur te shpenzoni. Ne pune do përballeni me sfida goxha te vështira. Gjeni forcën brenda vetes dhe përballojini sepse po e lëshuat veten do jete e vështirë te ringriheni.
Majmuni
Nëse jeni ne një lidhje do e keni te vështirë këtë muaj për t’i bere balle tundimit e për te mos e tradhtuar atë qe keni ne krah. Nga mesi i muajit për disa do ketë edhe ndarje. Beqaret do fillojnë te ndiejnë shume për dike, por nëse nuk arrijnë t’ia shprehin nuk do e ndryshojnë dot statusin. Me shëndetin problemet do jene te vazhdueshme. Njëherë mund te keni probleme me gjumin, njëherë me lëkurën dhe here te tjera me bajamet. Kujdesuni ne maksimum. Buxheti here do jete i mire dhe here goxha delikat. Mundohuni qe shpenzimet t’i bëni me llogari dhe te jeni largpamës. Ne pune do keni kontradikta me shefat dhe do jeni te palogjikshëm. Shume gjera do ju ecin ters.
Gjeli
Gjate këtij muaji dashuria do jete e privilegjuar si për te dashuruarit ashtu edhe për beqaret. Ata qe janë ne një lidhje do kalojnë plot çaste te lumtura me partnerin dhe mund te mendojnë edhe për ta zgjeruar familjen. Beqaret do jene gati te provojnë gjithçka vetëm qe te mos mbeten me asnjë çast vetëm. Aventura, emocione, por edhe lidhjet serioze do jene ne program. Gjendja shëndetësore do jete delikate vetëm javën e pare sepse me pas do rifitoni gjithë energjinë. Nëse me financat keni pasur vështirësi, do i zgjidhni ato edhe fale ndihmës se familjareve. Ne pune do jeni me te përgjegjshëm dhe do ecni vetëm sipas planeve. Nuk priten sfida te vështira, përkundrazi gjerat do jene me te lehta nga sa mendonit.
Qeni
Muaj i favorshëm dhe i begate ky për jetën sentimentale te çifteve. Nuk do mungojnë për asnjë moment surprizat për njeri-tjetrin dhe kënaqësitë do jene te forta. Beqaret gjithashtu do e gjejnë shpirtin e tyre binjak dhe do fillojnë një lidhje te qëndrueshme. Shëndeti nuk do jete i keq, por për forme me te mire merruni pak me tepër me sport, konsumoni fruta, perime dhe sa me tepër lëngje. Financat do fillojnë te përmirësohen pas javës se dyte kështu qe deri atëherë duhet te jeni te kujdesshëm. Ne pune do keni me tepër besim tek vetja dhe keni për te arritur majat. Shpërblimet do jene te majme.
Derri
Qetësia dhe harmonia do mbizotërojë gjate gjithë muajin ne jetën tuaj ne çift. Do dashuroheni pa dorashka me partnerin dhe mes jush nuk do lindin aspak probleme. Disa mund te mendojnë edhe për fëmijë. Beqaret do bëjnë mire t’i marrin gjerat si t’iu vijnë. Rastet për takime nuk do mungojnë asnjë dite. Shëndeti do jete i mire javën e pare, por me pas mund te lindin disa shqetësime për shkak te mosushqyerjes si duhet. Kujdes! Financat duhet t’i mbani sa me shume nen kontroll sepse po filluan problemet vështirë se mund te zgjidhen lehte. Ne pune duhet te ecni me plane qe te mos gaboni.
