Policia në Indi ka arrestuar një grua që hiqej si burrë, e cila mashtroi dy gra në mënyrë që të merrte prej tyre pajën.
Krishna Sen u arrestua të mërkurën në qytetin verior të Uttarakhand, pasi kishte kërkuar pajën, gjë që është e paligjshme në Indi.
Sipas asaj që burimet policore thanë për BBC, gjatë marrjes në pyetje u zbulua se Krishna ishte një grua.
Ata besojnë se 26 vjeçarja Sen, e njohur më parë si Sweety, është maskuar si burrë që nga viti 2014 kur u martua.
“Fillimisht nuk arritëm të kuptojmë se çfarë po thoshte Krishna”, tha zyrtari i lartë i policisë Janamejay Khanduri për BBC.
“Kemi kryer një ekzaminim mjekësor dhe kemi zbuluar se Krishna është femër”.
Thuhet se Sen u nda nga gruaja e saj e parë menjëherë pas martesës dhe u martua me një grua tjetër në prill 2017.
Por familja e ish-gruas së saj, paraqiti një ankesë në polici duke akuzuar Krishnës se kishte kërkuar në mënyrë të dhunshme një pajë prej asaj. Ata gjithashtu pohuan se ajo kishte marrë borxh prej tyre 850,000 rupi, (9,467 paund) për të filluar një biznes dhe nuk i kishte kthyer paratë.
Dhënia dhe pranimi i pajës është një traditë shekullore e Azisë Jugore, ku prindërit e nuses japin para, rroba dhe stoli në familjen e dhëndrit. Megjithëse praktika ka qenë e paligjshme në Indi që nga viti 1961, ajo vazhdon të lulëzojë./tvklan.al
