Gjykata e Durrësit ka dhënë masën e sigurisë arrest me burg për ish-zyrtarët e Komunës së Ishmit. Ata kërkuan rivlerësimin e masës së sigurisë, por gjykata nuk e ka ndryshuar vendimin e marrë me herët ndaj tyre.
Masa e sigurisë arrest me burg është marrë ndaj shtetasve, Sulejman Ibrahimit, Ornela Shëmlikaj, Enver Shimën dhe Shpresa Merditën.
Ish-zyrtarët akuzohen për abuzim me pronat.
Ish-kryetar i komunës Ishëm, Sulejman Ibrahimi dhe tre vartës u arrestuan pasi Gjykata e Durrësit caktoi masën e sigurisë “arrest me burg” pasi akuzohen se kanë abuzuar me ndarjen e tokave sipas ligjit për tokën, dhe të disa kontratave qiraje për dhënie të hapësirës publike plazheve.
Operacioni nga prokuroria dhe Policia e Durrësit, ishte finalizim një hetimi disa mujor ku ishin bashkuar disa procedime penale.
“Pas një hetimi të kryer nga Prokurorinë Pranë Gjykatës së Shkallës së Parë Durrës në bashkëpunim me Departamentin për Hetimin e Krimit të Organizuar dhe Krimet e Rënda në Drejtorinë e Policisë së Shtetit, në kuadër të procedimeve penale Nr. 1205. 2015, nr. 864.2016. 912.2016 nr. 1685.2016. nr. 2017.2016 dhe nr. 178.2016, të filluar për shkak të abuzimit me ndarjen e tokave sipas ligjit për tokën, dhe të disa kontratave qiraje për dhënie të hapësirës publike plazheve”
Por kjo është vetëm një nga dosjet e nxjehta të abuzimit me pronat në Durrës, pasi prokurori Afrim Shehu- dhe kreu i policisë Alfred Çepe thanë se kanë të tjera raste në hetim
Por ndërsa katër persona tashmë kanë përfunduar në qeli, dosja e abuzimeve me tokat dhe plazhet në Ishëm vijon të hetohet, siç bënë të qartë dy përfaqësuesit e agjensive ligjzbatuese.
