Nutella është një nga produktet më të preferuara të fëmijëve e të rriturve. Qoftë si shoqërues i petullave, krepave, apo një fetë buke e shoqëruar me qumësht, Nutella e bën çdo vakt më të shijshëm.
Megjithatë një fotografi që ka qarkulluar prej rreth një viti u risoll në vëmendje Ditën Ndërkombëtare të Nutellës në Twitter. Dikush ka vendosur që shpëlajë një kavanoz Nutella dhe e ka mbushur atë me përbërësit e saj të veçuar. Personi që e ka realizuar foton thotë se masat janë të sakta, e kjo i ka shokuar njerëzit nga sasia e madhe e sheqerit që duket se zë 1/3 e kavanozit.
Për fat të keq, Nutella ka në përmbajtjen e saj më shumë se 50% sheqer, që do të thotë më shumë nga ç’tregohet në foto. Në uebsajtin zyrtar të Nutellës thuhet se përmbajtja e sheqerit është 56.8 gram për 100 gram Nutella. Përbërëit e tjerë janë qumësht pluhur, lajthi, kakao dhe vaji i palmës.
Një zëdhënës nga Nutella tha se receta ka gjithashtu përbërës sekret që nuk publikohet për të ruajtur origjinalitetin, dhe sasia e informacionit që jepet në uebsajt është e mjaftueshme për konsumatorët. Më pas është përgjegjësia e tyre që të konsumojnë Nutellën si pjesë e një diete të balancuar./Opinion.al
