Kryeministri Edi Rama duke folur përpara deputeteve të tij mëngjesin e sotëm, i sapokthyer nga samiti i Davosit dhe pas protestës së opozitës, u shpreh se jemi të hapur për dialog me opozitën sa i përket reformës zgjedhore. Ai tha se Shqipëria është në rrugën e duhur dhe BE kërkon vetingun për celjen e negociatave.
Pjesë nga fjala e Kryeministrit në mbledhjen e grupit të PS
Fillimi i punës për vetingun dhe reforma në drejtësi dhe mbi të gjitha qartësia se ky është një proces që s’ka shans të bllokohet është baza për të marrë rekomandimin nga Komisioni Europian për çeljen e negociatave për anëtarësim në BE. E theksoj se qartësia e krijuar tek të gjithë aktorët lidhur me pamundësinë e bllokimit politik të të vetingut e konsoliduar me zgjedhjen e prokurores së përgjithshme dhe vetë procesin e formimit të KLP dhe KLGJ-së përbëjnë një arsye të fortë për BE e parë optimizëm nga ana jonë, fillimin e procesit historik të negociatave.
Jo vetëm ky aspekt, por edhe të tjera na vendosin në pozicion të favorshëm. Në momentin që flasim konsiderohet se Shqipëria i ka kryer detyrat e shpisë. S’ka moment ndalimi, procesi për të përmbushur 5 prioritete vazhdon. Lufta spektakolare kundër kanabisit përbën arsye të fortë për të na besuar. Propaganda për medek kapjen e drejtësisë janë dokrra. Po të ishte ndryshe, BE s’do lejojne shfaqjen më të vogël për të kapur drejtësinë.
Opozita ka të drejtën e vet të ketë axhendë që nuk përputhet me fokusin tonë për ta garantuar hapjen e negociatave, por ne kemi detyrimin të krijojmë kushte për dialog me opozitën. Dialog për tema me interes kombëtar. Nëse në temën e drejtësisë opozita ka qenë në pozicion antihistorik është përgjegjësi e saj, por shpresoj që në temën e reformës zgjedhore të ketë dialog dhe sens urgjent për të mos i lënë çështjet e reformes zgjedhore për momentin e fundit. Ne jemi të hapur edhe për tema të tjera për dialog me opozitën.
/Opinion.al
