Ish-deputetja e Kuvendit të Serbisë, Rada Trajkoviç ka reaguar në lidhje me vrasjen e politikanit serb në Mitrovicë, Oliver Ivanoviç.
Trajkoviç ka deklaruar se Ivanoviç është vrarë nga serbët me anë të listës së tyre.
“Fatkeqësisht Beogradi nuk po na lejon të flasim. I lejon të flasin vetëm ata që mendojnë ashtu siç mendon Beogradi. Edhe duhet të flasim vetëm ashtu siç mendon negociatori jonë me Ramush Haradinajn, sepse Ramush Haradinaj e ka thënë publikisht në një intervistë së fundmi se të gjitha marrëveshjet për të ardhmen e serbëve ai i negocion me Millan Radojiçicin”, – shprehet Trajkoviç.
Sakaq, ish-deputetja shton se një pjesë e serbëve duan të besojnë se këtë e kanë bërë shqiptarët për ta hequr vëmendjen prej Gjykatës speciale.
Ajo ka folur në një emision në televizionin serb “Happy TV”, pas vdekjes së Ivanoviçit.
