“Sfida e Ngrënies së Kapsulave Tide” është një nga çmenduritë më të mëdha të këtij viti. Shumë adoleshentë filmuan veten duke ngrënë detergjent dhe i hodhën videot në Youtube. Por duket se Youtube nuk ka ndërmend ta promovojë këtë çmenduari dhe ka lajmëruar se videot do të fshihen.
Një zëdhënës i Youtube tha në një deklaratë: “Në direktivat e komunitetit të Youtube është e ndaluar përmbajtja që inkurajon aktivitete të rrezikshme dhe shkaktojnë dëm fizik. Po punojmë për të hequr videot që janë në kundërshim me politikat tona”.
Vetëm në vitin 2018 janë raportuar 39 raste të fëmijëve që hanë detergjent rrobash. Firma Procter & Gamble që qëndron pas kapsulave Tide ka deklaruar se po bashkëpunon me rrjetet sociale që të heqin videot. Një zëdhënës nga kompania tha: “Paketat janë bërë për të pastruar rrobat. Me to nuk duhet të luhet as me shaka.”
