Gjykata Kushtetuese ka rrëzuar sot kërkesën e Arben Frrokut, biznesmenit në arrati, i dënuar me burgim të përjetshëm për vrasjen e komisar Dritan Lamajt. Vetë Frroku ndodhet në Holandë dhe pritet të ekstradohet, por kërkesa në gjykatë është bërë nga avokati i tij.
Avokati i Frrokut dërgoi në Kushtetuese vendimin e Gjykatës së Lartë që nuk pranoi rekursin për dënimin nga Apeli me burg përjetë. Por edhe Kushtetuesja nuk gjeti shkelje në vendimine Gjykatës së Lartë. Kësisoj Frroku rrëzohet në të gjitha shkallët e gjyqësorit dhe pritet të vuajën dënimin.
Vrasja e Dritan Lamajt ka ndodhur në Tiranë në 25 Shkurt të 2013. Ai qendroi në burg deri deri në 2015, kur Gjykata e Shkallës së Parë tek Krimet e Rënda i dha pafajësi. Por vendimi i Shkallës së Parë u rrëzua nga Apeli i krimeve të Rënda që e dënoi me burgim të përjeshtëm. Sakaq, Arben Frroku ishte arratisur nga Shqipëria. Ai u kap afro një vit më parë në Holandë dhe pritet të ekstradohet në Shqipëri.
/Opinion.al
