Mbrëmjen e djeshme në emisionin “Opinion” u hap sondazhi për prezantuesen më të pëlqyer të ekranit. Pas votimeve për ministrin e preferuar të qeverisë “Rama2”, ku votuesit kanë qenë të shumtë, radha i është lënë moderatoreve. Emra të njohur të ekranit janë vendosur në sondazh, ku deri më tani e preferuara është Arbana Osmani me 24% të votave duke i lënë pas me një diferencë të madhe koleget e tjera.
Në vendin e dytë aktualisht është gazetarja dhe moderatorja e emisionit “Studio e Hapur”, Eni Vasili e cila ka marrë 16% të votave.
Vendi i tretë ndahet mes moderatores simpatike të Digidalb, Jonida Vokshi, dhe prezantueses së spektakleve të njohura në Tv Klan Alketa Vejziu ku të dyja kanë marrë 10% të votave.
Më pak e votuara deri më tani është Liberta Spahiu, moderatorja e emisionit “Prive” në Klan Kosova, e cila ka marrë vetëm 1% të votave.
Kujtojmë se sondazhi mbetet i hapur deri mbrëmjen e së mërkurës, ku në emisionin “Opinion” do të hapet një sondazh i ri. Ju mund të votoni në kohë reale në linkun e mëposhtëm, duke klikuar në foton e moderatores suaj të preferuar./Opinion.al
