Një aktiviste e opozitës, pjesëmarrëse në protestën e 18 dhjetorit përpara parlamentit, është ndaluar mëngjesin e sotëm në pikën kufitare të Morinës. Fiqirije Nezaj, mosha 50 vjeç, mësohet se ishte shpallur në kërkim, ndërkohë që ajo vetë mësohet se të ketë thënë që nuk ka pasur asnjë dijeni mbi urdhërin e ndalimit. Aktualisht znj. Nezaj aktiviste e Partisë Demokratike po mbahet e ndaluar në Komisariatin e Policisë Kukës. Ndërkohë që është personi i dytë që ndalohet në pikat kufitare, pasi më 31 janar u ndalua edhe ish-sheshi i FNSH, Osman Levanaku, në pikën e kalimit kufitar të Qafë-Thanës, ndërsa po udhëtonte drejt Strugës, pasi rezultonte person në kërkim, edhe ky për shkak të pjesëmarrjes në protestën e 18 dhjetorit.
