Në prag të fushatës elektorale për zgjedhjet e 25 qershorit, Partia Socialiste, i ka paguar 140 mijë dollarë kompanisë “Ballard Partners”, në mënyrë që të siguronte takime të nivelit të lartë me admiministratën e presidentit Donald Trump.
Sipas të dhënave të siguruara nga Syri.net, PS e ka kontraktuar në mars të 2017 kompaninë lobuese “Ballard Partners”, ndërsa ka kryer disa takime me zyrtarë të ndryshëm në SHBA dhe ka pasur gjithashtu komunikime të vazhdueshme edhe me ambasadorin e SHBA-së në Tiranë.
‘Ballard Partners’ ka punësuar si konsulent ish-kongresmenin demokrat, Robert Wexler, i cili ka përfituar 35 mijë dollarë për të gjitha shërbimet e ofruara për PS-në në takimet e ndryshme apo shkëmbimet e emaileve me ambasadorin amerikan Donald Lu.
