Deputeti i Partisë Demokratike, Gent Strazimiri ditën e hënë ka deklaruar se pengesa kryesore për mosarrestimin e tre ish-oficerëve të Policisë së Shtetit të akuzuar për trafik droge, janë kryeministri Edi Rama, ministri Fatmir Xhafaj dhe kreu i Policisë Haki Çako.
Strazimiri reagoi pas shmangies së përgjigjes nga Ministri i Brendshëm, Fatmir Xhafaj, i cili, duke folur për operacionin “Forca e Ligjit”,tha se “nuk ishte ai përgjegjës për çështjet e kërkimit.
Strazimiri: “Përgjigje të ngjashme Fatmir Xhafaj dha edhe për vëllain e dënuar për trafik ndërkombëtar kokaine dhe heroine, kur tha se nuk mbante përgjegjësi ligjore apo politike për të.Policia nuk po e gjen dot forcën për të arrestuar “sajmirët”, “fatmirët” dhe “hakinjtë” e Partisë”.
Deputeti Strazimiri u shpreh se “Hakiu”, “Fatmiri” dhe sajmirët në përgjithësi nuk arrestojnë dot vetveten dhe as vëllezërit prej nëne apo prej Partie”, sepsë “Hakiu, Fatmiri dhe sajmirët e Edi Ramës jane pafuqia e ligjit dhe policisë.
