Gjykata e Apelit të Krimeve të Rënda ka vendosur të pranojë gjykimin e shkurtuar për 9 të pandehurit e dosjes Xibraka.
Në vendimin e Shkallës së Parë për Krimet e Rënda, shpallur në 11 korrik të këtij viti, të pandehurit u deklaruan të fajshëm dhe u dënuan me 104 vite burg në total.
Por me këtë vendim të Apelit 9 të pandehurit e kësaj dosjeje përfitojnë uljen e 1/3 së dënimit të dhënë nga shkalla e parë. Për Genci Xhixhën dhe Saimir Batkun, 2 personat që kishin marrë dënimet më të rënda ndër 9 të akuzuarit në shkallën e parë, konkretisht nga 13 vjet burg, realisht do të vuajnë vetëm 8 vjet e 8 muaj dënim. Ndërsa Ermal Hoxha, i dënuar me 10 vjet burg nga shkalla e parë, do të vuaje 6 vjet dhe 8 muaj burg. 9 të pandehurit e kësaj dosjeje u deklaruan të fajshëm për akuzat që i lidhin me laboratorin e përpunimit të kokainës në “Xibrakë”
Dënimet për secilin prej tyre
Ilir Hyseni ishte dënuar me 12 vite, i bëhet 8 vite dënimi
Ermal Hoxha ishte dënuar me 10 vite burg, i bëhet 6 vite e 8 muaj
Cesar Avila e Valther Moreno ishin dënuar me nga 12 vite, u bëhet 8
Genci Xhixha 8 vjet e 7 muaj, në mungesë.
Arjan Dalipi 6.7 vite burg
Gentian Gjonaj 7.3 vite burg
Kelemnd Dalipi 7.3 vite burg
Sajmir Batku 8.7 vite burg
