Migena Këllezi, shqiptarja që u vra të enjten në Itali nga bashkëshorti i saj, Dritan Sulollari, është goditur dy herë me thikë. Ky është rezultati i autopsisë së kryer në Udine.
Megjithatë, vetëm pas 60 ditësh do të jetë e mundur që të bëhen ekzaminime më të specializuara, të cilat do të japin një pamje më të qartë të asaj që ka ndodhur.
Nga mediat lokale mësohet se Sulollarit i është dhënë masa arrest me burg sepse ai mund të arratiset, mund të prishë provat ose të vrasë sërish.
37-vjeçari e pranoi që e kishte kryer ai krimin, por nuk dha detaje sepse nuk mbante mend asgjë se çfarë kishte ndodhur. Çifti ishte në prag të divorcit dhe së bashku kishin një djalë 8 vjeç.
Avokati i Dritan Sulollarit, Paolo Bevilacqua është shprehur më parë, se klienti i tij është shumë i rënduar psikologjikisht prej asaj që ka ndodhur.
