Prezantuesi i emisionit të mëngjesit “Aldo Morning Show”, është bërë baba. Bëhet fjalë për Aldon Lipe, i cili edhe pse sigurohet që gjithmonë ta fshehë fytyrën e tij pas mikrofonit, është një personazh shumë i dashur.
Edhe pse thuajse nuk dihet asgjë për jetën e tij private, suplementi ““Bluetooth” ka zbuluar një detaj të ëmbël nga jeta e tij. Mësohet se Aldo është bërë baba për herë të dytë pas 13 vitesh.
Ai dhe bashkëshortja e tij Ketjona kanë një djalë 13-vjeçar të quajtur Marti, dhe tashmë ai do të ketë edhe një motër të vogël që çifti e ka pagëzuar me emrin Charlot.
Aldo prej shumë vitesh drejton emisionin e mëngjesit në Tv Klan, i cili falë karizmës dhe temave që trajton është një prej më të ndjekurve në Shqipëri.
