Një grabitje ka ndodhur në qytetin e Elbasanit. Mësohet se një biznesmeni të njohur i kanë vjedhur banesën si edhe dy makina luksoze. Në banesë mësohet se i kanë vjedhur kasafortën me para.
Referuar të dhënave paraprake të policisë mësohet se vjedhja ka ndodhur rreth orës 04.30-05.00 të mëngjesit të sotëm.
Sipas policisë dyshohet që kjo grabitje të jetë e mirë menduar deri në detaje. Grabitësit e kanë kryer vjedhjen duke u futur fillimisht në banesë për të marrë paratë që ndodheshin në kasafortë, dhe më pas kanë vjedhur çelsat e makinave që ndodheshin në tavolinat e paradhomës.
Edhe pse në banesë kishte edhe pjestarë të familjes, askush prej tyre nuk arritur të dëgjojë lëvizjet e hajdutëve.
Policia e Elbasanit ka nisur hetimet për identifikimin dhe kapjen e autorëve të grabitjes.
