Këshilli i mandateve ka nisur sërish mbledhjen e ndërprerë ditën e djeshme, ku do të diskutohet për imunitetin dhe mandatin e deputetit Saimir Tahiri.
Prokurori Besim Hajdarmataj ka kërkuër seancë me dyer të mbyllura, duke deklaruar se kanë ardhur prova të reja nga Italia dhe ato do të paraqiten sot para komisionit.
Kryetari i këtij komisioni nuk ka pranuar kërkesën e avokatit të Tahirit për tri ditë kohë, por ka shtyrë vetëm me një ditë seancën që do të vendosë për fatin e deputetit.
Në mbledhjen e djeshme, mazhoranca i ka vënë në dyshim argumentat e prokurorisë duke lënë të kuptojnë që ato kanë qenë të pamjaftueshme për të votuar heqjen e mandatit.
