Kryeministri Rama shquhet për fjalime të gjata, si në takimet elektorale, seancat plenare e po ashtu në çdo takim tjetër zyrtar është pikërisht ai që zë për minuta të tëra ekranet e televizioneve.
Ndoshta nga kjo i krijohet edhe një problem tjetër, që pasi flet vetë për një kohë të gjatë, nuk ka durimin të dëgjoj të tjerët.
Disa herë ka rastisur ku Rama ju ka thënë ministrave, apo deputetëve nëpër Asamble që të flasin sa më shkurtë, shkruan opinion.al.
Kjo ka ndodhur edhe ditën e sotme ku kryeministri Rama mbajti një takim me sipërmarrësit e mëdhenj dhe luftën ndaj inspektorëve dhe punonjësve të administratës publike që shfrytëzojnë postin për të gjobitur bizneset, e përfituar nga rryshfetet.
Pas mbarimit të fjalimit të tij të gjatë, radhën e kishte ministja e re e Shtetit për Mbrojtjen e Sipërmarrjes, Sonila Qato.
Duket se kryeministri nuk e ka patur problem që është në transmetim live në të gjitha kanalet televizive dhe nuk ka ngurruar të këshillojë para të gjithëve që fjalimin e saj mos ta lexojë, por ta thojë në mënyrë të përmbledhur.
“Mos lexo shumë tani”, është dëgjuar kryeministri t’i drejtohet ministres së re me zë të ulët, e cila me shumë spontanitet është përgjigjur duke thënë: “ Jo, do përpiqem të flas shkurt, sepse do flaë gjatë puna me sipërmarrësit”. /Opinion.al
*Degjoni videon nga minuta 34 e43 sekonda.
