Drejtorët e LSI në administratën e lartë shtetërore po largohen njëri pas tjetrit. Sot mësohet se është larguar drejtori i Autoritetit Rrugor Shqiptar, Dashamir Xhika. Ai i ka paraqitur dorëheqjen ministrit Damian Gjiknuri.
Po kështu mësohet se me propozim të ministrit dhe urdhër të kryeministrit është liruar nga detyra drejtori i përgjithshëm i Shërbimeve të Transportit Rrugor, Ylli Spahiu.
Ky i fundit në një intervistë telefonike ka deklaruar se nuk është informuar ende zyrtarisht për largimin nga puna. Ende nuk janë caktuar drejtuesit e rinj, ndërkohë që puna vazhdon me komandim të brendshëm.
*Në foto Dashamir Xhika
