Bashkëshortja e Presidentit të Francës, Brigitte Macron u bë temë bisede kur bashkëshorti i saj, Emmanuel Macron fitoi presidencën franceze, për shkak të diferencës së tyre në moshë, ajo është 24 vite më e madhe sesa ai, po tani ajo ka folur hapur për rëndësinë e kësaj marrëdhënieje që e ka ngjitur në skenën botërore.
“Ka disa periudha në jetë kur duhet të bësh zgjedhje të rëndësishme”, ka thënë Birggite për nisjen e marrëdhënies me Macron. “Dhe për mua, ishte ajo. Kështu që, çfarë është thënë në këta 20 vjet, nuk është aspak domethënëse”.
Brigitte Macron ka dhënë një intervistë të gjatë për Elle Francë ku ajo është në kopertinë.
“Sigurisht, ne hamë mëngjes bashkë, unë dhe rrudhat e mia, ai me rininë e tij, por kështu është”, ka thënë ajo. “Nëse unë nuk do e kisha bërë atë zgjedhje, do të kisha humbur shumë në jetë. Unë kam pasur shumë lumturi me fëmijët e mi, por në të njëjtën kohë, ndjeja që duhet ta jetoja këtë dashuri për të qenë plotësisht e lumtur.”
Emmanuel Macron ka treguar që me gjithë kriktikat, për të kjo diferencë nuk është asgjë. “Brigitte-ës, gjithmonë e pranishme dhe më shumë, pa të nuk do isha kush jam”, tha ai pasi fitoi zgjedhjet duke ia kushtuar dhe asaj këtë fitore.
Një grup francezësh kanë nënshkruar një peticion kundër statusit të Zonjës së Parë për Brigitte-ën që ajo të mos përfitojë status të veçantë nga buxheti i vendit, edhe pse Brigitte Macron mbetet pranë Presidentit të Francës, siç ai ka deklaruar.
