Që Victoria Beckham është një stiliste tepër e talentuar kjo gjë dihet tashmë. Por ka njerëz që herë pas herë e kritikojnë bashkëshorten e David Beckham. Kësaj radhe në fakt, është drejtori i dizajnit të “Land Rover”, Gerry McGovern, që ka kritikuar stilisten e famshme, pasi sipas tij ajo e ka ekzagjeruar rolin e saj në projektimin e modelit të ri të kompanisë, një “VB Evoque”.
Victoria është shprehur gjatë promovimit në Kinë, se ka projektuar makinën e bashkëshortit të saj. Por Gerry e ka kundërshtuar duke thënë”Nuk e ka projektuar ajo. Për të qenë një dizajnues makinash duhen vite punë”.
Në fakt “Mirror”, shkruan se Victoria nuk është hequr asnjëherë si dizenjuesja e makinës, pasi do ishte fyerje për njerëzit që kanë punuar për këtë gjë. Kjo deklaratë e Victoria-s në fakt duket se mërzitur aq shumë McGovern, sa nuk mendon të punojë më me Victoria-n. Ai gjithsesi është shprehur se Victoria ka skicuar një pjesë të brendshme të makinës.
