Këta janë pasagjerët e linjës së fluturimit Ankona-Rinas të cilët përjetuan momente paniku paraditen e kësaj të premteje, ndërsa qëndrojnë në pritje në terminalin e Peskarës, për t’u nisur pas mesnate drejt Shqipërisë.
Pas më tepër se 4 orë pritjeje në terminalin e aeroportit të “Sanzio Falconara”, kompania ajrore Mistral Ernest vendosi që pasagjerët të niseshin me autobus drejt Peskarës, nga aty, për t’u nisur drejt Shqipërisë.
Burime për Opinion.al, bëjnë me dije se nga Peskara është vendosur që pasagjerët të nisen drejt Shqipërisë, me shumë gjasa, rreth orës 01:00 të ditës së nesërme (e shtunë).
Vetëm 20 minuta pas nisjes së fluturimit drejt Tiranës, pasagjerët ndjenë në bord erën e diçkaje që po digjej dhe më pas bordi u mbush me tym. 68 pasagjerët dhe stafi u vunë në alarm.
Menjëherë pilotët vendosën të ktheheshin në Ankona duke njoftuar edhe pasagjerët.
Fillimisht u dyshua për një zjarr në sistemin e konidicionerëve, por më pas stafi sqaroi se bëhej fjalë për një masë në sistemin elektrik.
Përveç panikut të nisjes dhe orëve të gjata në pritje nuk është raportuar për persona të lënduar.
