Pas akuzave të forta në adresë në kryedemokratit Lulzim Basha, jo vetëm si përgjegjësi për humbjen dramatike të demokratëve në këto zgjedhje, por edhe si një rrezik për vendin, deputeti Astrit Patozi, do të dalë me një deklaratë për mediat nga selia blu.
Burime nga PD-ja konfirmojnë se deputeti Astrit Patozi do të japë një deklaratë për mediat e interesuara nga selia e Psë në orën 18:00.
Pyetur nga mediat, Patozi u përgjigj shkurt: “Në orën 18:00 do t’a mësoni vendimin tim, te selia e PD-së”.
Ajo që pritet të deklarojë Patozi, sot, vjen vetëm pak ditë pas daljes së tij të fortë në “Opinioin” teksa tha se “Nëse nuk do të ketë kandidat të denjë për zgjedhjet e kryetarit të PD-së, atëherë jam gati të hyj unë dhe ta shpartalloj Bashën. Unë e shpartalloj për 2 minuta. I njoh strukturat e partisë”.
Akuzat e Patozit
Patozi me heret theksoi se “Unë nuk do të kandidoj për kryetar të PD-së. Kam dy arsye të forta. Unë nuk do të kandidoj për shkak se PD sot nën drejtimin e Bashës është bërë gati të hapë një farsë elektorale. Do të thotë që çdo lloj gare minimalisht ka nevojë për disa kushte. Zoti Basha në shkelje të rëndë të statutit të PD-së e hedhin në erë që ditën e parë procesin. Akti i parë konsiderimi i vetëngrirë i kryetarit të PD-së. Kjo nuk është vetëm anti-statut por nuk gjendet në asnjë vend të botës”, theksoi Patozi.
