Gjatë vitit 2016, popullsia e grup-moshës 15-29 vjeç u ul me 4,3 pikë përqindje krahasuar me një vit më parë raportoi INSTAT në publikimin e fundit “Shqipëria në shifra 2016”.
Ulja e forcës së punës korrespondon në të njëjtën përqindje sa edhe ulja e papunësisë në këtë grup moshë.
Shkalla e papunësisë për këtë grupmoshë në vitin 2016 arriti në 28,9 % (29,7 % për meshkujt dhe 27,8 % për femrat) nga 33,2 % (32,3 % për meshkujt dhe 34,7 % për femrat) që ishte një vit më parë.
Të rinjtë e grup-moshës 15-29 vjeç të cilët nuk janë as në punësim e as duke vazhduar shkollën apo ndonjë trajnim përbëjnë 30,0 % të të rinjve gjithsej të papunë për vitin 2016. Shkalla e papunësisë së të rinjve pësoi një rënie prej 4,3 pikë përqindje krahasuar me një vit më parë, sipas INSTAT.
Por kjo ulje e papunësisë nuk lidhet me hapjen e vendeve të reja të punës, por për shkak të uljes së popullsisë në këtë grupmoshë me 4.3 pikë%, kryesisht për arsye emigracioni.
