Balina Bodinaku ka rrëfyer në një intervistë për “Bordo” gjëra të pa treguara më parë për veten dhe madje edhe për partnerin e saj analistin Andi Bushati. Çifti është treguar shumë i rezervuar në daljet publike, dhe shumë pak gjëra mund të dimë për marrëdhënien e tyre. Por kësaj here Balina e ka lëshuar pak dorën duke treguar një anë tjetër të Bushatit, e cila qenka shumë e ëmbël.
“Kam frikë se do jem e padrejtë t’u vë fjalë mendimeve në këtë rast. Por fare shkurt mund të them se Andi im është i kujdesshëm, është i pranishëm, është me mua në çdo gjë që bëj, e në çdo rast kur kam nevojë për dikë. I jam pafund mirënjohëse Zotit, universit, apo çfarëdo lloj force, apo rrethane që e solli në jetën time. Thënë kjo, ai do tallet me mua e do më ngacmojë një vit rresht, pasi të lexojë këto që po them për të. Dhe përveç kësaj, duke qenë ai vetë shumë diskret, e i rezervuar për jetën e tij, unë bëj mirë ta mbyll me kaq “ – shprehet Balina, duke na zbuluar diçka vërtet interesante.
